Loading ...Partia Socialiste do ta mbyllë brenda nëntorit reformën zgjedhore, me apo pa konsensusin e opozitës.
Maxhoranca fton PD në komisionin e posaçëm, por kreu kuvendor i PS tha se i kanë votat për ta miratuar edhe ndryshimet zgjedhore, ndërsa opozita nuk ka asnjë mundësi të bllokojë axhendën e integrimit europian.
Taulant Balla iu përgjigj dhe kërkesës së Veliajt për të marrë pjesë në asamble, duke thënë se PS nuk është mburojë e askujt para ligjit, ndërsa Veliaj duhet të përballet i vetëm me drejtësinë.
“Unë mendoj që cështjet e cdo përfaqësuesi të zgjedhur të PS në të gjitha nivelet në marrëdhenie me drejtësinë janë cështje individuale. As PS, as Asambleja e PS as Kryesia, as organizata socialiste nuk janë mburojë e askujt në përballjen me drejtësinë.
Dhe në këtë këndvështrim, e kam thënë Erjon Veliajn e kam mik, por në përballjen me drejtësinë duhet që përballjen ta bëjë vetë, pa përfshirë në asnjë moment, grushtin dhe trëndafilin e PS në këtë diskutim”, u shpreh Balla./abcnews.al
