Agjenti i njohur, Mino Raiola, vetëm pak ditë më parë vazhdoi bashkëpunimin me mesfushorin e Manchester United, Jesse Lingard. Ky i fundit ka qenë një dështim te “Djajtë e Kuq” dy vitet e fundit dhe punësoi Raiolën që t’i gjejë një skuadër të re.
Agjenti italian nuk ka humbur shumë kohë dhe i ka ofruar kartonin e Lingard skuadrës së Milanit. Trajneri Stefano Pioli ka nevojë për mesfushorë me tipare sulmuese, pasi Paqueta me shumë gjasa është i larguar këtë muaj janar, me PSG-në që ka shfaqur interes të madh.
Lingard nuk shënoi dhe nuk asistoi asnjë gol për gjatë gjithë vitit 2019, një statistikë shqetësuese kjo për një mesfushor ofensiv. Mbetet për t’u parë nëse Milani do të dëshirojë të paguajë për kartonin e Lingard, por një opsion real është edhe huazimi me opsion blerje./abcnews.al
