Loading ...Bizneset që ofrojnë shërbime apo tregtojnë produkte ushqimore në Vlorë po i nënshtrohen kontrolleve të shtuara për sigurinë ushqimore.
Për shkak të shtimit të fluksit të turistëve, Autoriteti Kombëtar i Ushqimit ka ngritur një task-forcë, e cila po operon në terren.
Kreu i AKU Vlorë, Endri Hyseni, thotë se në disa subjekte është bërë edhe bllokimi i produkteve që nuk përmbushnin standardet e duhura.
Kontrollet e shtuara nga task-forca në Vlorë do të vijojnë deri në fund të sezonit turistik, pasi konsumi në qytet është më i lartë për shkak të turistëve vendas dhe të huaj.
