Loading ...Me një pamje panoramike të dhjetëra fshatrave kodrinorë nga Patosi në Mallakastër, rruga e vjetër Fier-Ballsh, po rindërtohet.
Rruga ka një gjatësi rreth 50 km dhe lidh mijëra banorë, duke filluar nga zona e quajtur “transport” në Patos, deri në Fratar të Mallakastrës.
Tek kjo rrugë nuk ishte ndërhyrë prej vitesh, 96, ndërsa amortizimi i këtij segmenti kishte krijuar probleme dhe për bizneset e zonës.
Me rindërtimin e rrugës, banorët presin rigjallërim ekonomik.
“Ishte si shkretëtirë këtu, tani do të ketë gjallëri shumë. Tani vijnë nga Tirana”, shprehen banorët.
Ky investim i ri pritet të risjell gjallërinë në zonë, duke shtuar dhe vizitorët në Parkun Arkeologjik të Bylisit.
