Sulme të reja ruse në Kiev, të paktën 15 të vrarë dhe mbi 50 të plagosur

Të paktën 15 persona kanë humbur jetën dhe 51 të tjerë janë plagosur pas një vale sulmesh ruse gjatë natës në rajonin e Kievit, sipas autoriteteve ukrainase.

Kryebashkiaku i Kievit, Vitali Klitschko, njoftoi përmes një postimi në Telegram se një person humbi jetën në kryeqytet, duke e çuar në 15 numrin e përgjithshëm të viktimave nga sulmet në rajonin e Kievit.

Sipas Klitschkos, në qytetin e Kievit janë plagosur 24 persona, ndërsa 15 prej tyre janë shtruar në spital. Ai bëri të ditur se katër nga të plagosurit ndodhen në gjendje kritike dhe po marrin trajtim intensiv.

Autoritetet vijojnë operacionet e kërkim-shpëtimit dhe vlerësimin e dëmeve, ndërsa sulmet e fundit konsiderohen ndër më të rëndat që kanë goditur kryeqytetin ukrainas në javët e fundit.