Greqi/ Burri dhe gruaja gjenden të vdekur në makinë, dyshimet e para

Një tragjedi e papërshkrueshme që përfshin dy viktima shumë të reja ka ndodhur mëngjesin e kësaj të marte në Pire. Një burrë 28-vjeçar dhe gruaja e tij 24-vjeçare u gjetën të vdekur brenda makinës së tyre, në rrugën Milos.  Shqetësimet fillestare për aktivitet kriminal ia lanë vendin trishtimit, pasi, sipas vlerësimit fillestar të mjekut ligjor, vdekja e çiftit ka ndodhur për shkak të helmimit nga tymi.

Nuk kishte shenja dhune, pasi as 28-vjeçari dhe as 24-vjeçarja nuk kishin plagë ose gërvishtje të dukshme.

Sipas hetimeve paraprake makina ishte parkuar në garazhin e ndërtesës së apartamenteve. Çifti ndodhej brenda automjetit, ndërsa e kishin lënë edhe motorin dhe kondicionerin të ndezur. Thithja e tymit toksik të bllokuar në kabinën e automjetit bëri që dy të rinjtë të humbisnin shpejt ndjenjat, duke përjetuar një vdekje tragjike, pa u vënë re nga askush.

Një kalimtar i rastit që po kalonte në rrugën “Milos” herët në mëngjes, rreth orës 07:30, e pa makinën e parkuar jashtë garazhit.

Siç deklaroi ai e pa vajzën 24-vjeçare brenda automjetit, por mendoi se ajo po flinte dhe nuk i kushtoi vëmendje, duke vazhduar kështu rrugën e tij si zakonisht. Ndërkohë ai nuk  e pa as burrin fatkeq 28-vjeçar brenda automjetit, kjo se ndoshta ai eci shpejt.

Lagjja ishte plotësisht e qetë dhe askush nuk dyshonte për asgjë deri në momentin e zbulimit tragjik.

Zbulimi i babait dhe mobilizimi i autoriteteve

Çifti i pafat u gjet fund nga babai i 28-vjeçarit. Në gjendje shoku të plotë, babai pa djalin dhe gruan e tij pa ndjenja brenda makinës dhe i nxorri  menjëherë nga automjeti. Një fqinj përshkroi momentet dramatike që pasuan, kur dëgjoi babanë të largohej nga vendi i ngjarjes dhe të bërtiste i dëshpëruar: “Kush e bëri këtë, fëmija im? Kush e bëri?”

Në orën 09:30 të mëngjesit, në vendngjarje mbërriti një ambulancë e EKAB-it , ekuipazhi i së cilës konstatoi vdekjen e tyre.

Forcat e policisë greke nxituan në vendngjarje për hetime paraprake, ndërsa trupat e burrit 28-vjeçar dhe gruas 24-vjeçare u transferuan në Spitalin Tzaneio. Atje do të kryhen autopsia dhe analizat toksikologjike për të sqaruar plotësisht shkaqet e sakta të tragjedisë.