Loading ...
Kryepolici Skënder Hita konfirmoi zyrtarisht arsyet përse politikanë shqiptarë të Maqedonisë së Veriut nuk janë lejuar të kalojnë në pikën kufitare të Qafë Thanës.
Sipas tij, deputeti dhe koordinatori i grupit parlamentar të VLEN-it, Bekim Qoku, deputeti Adnan Azizi dhe zëvendëssekretari i përgjithshëm i Qeverisë, Hasim Murtezani, si edhe një person tjetër, kanë pasur pengesa të ligjshme dhe nuk u është lejuar kalimi.
“Policia e Shtetit dhe Kufitare është garant i zbatimit të ligjit, dje në pikën e Qafë Thanës janë paraqitur 4 shtetas, me qëllim për të kaluar në kufi, tre prej tyre ishin me pasaporta diplomatike i është bërë me dije se mund të vijojnë udhëtimin, një person i shoqëruar se bashku me ta, që kishte pengesa të ligjshme në kufi, nuk ka mundur të udhëtojë drejt Republikës së Shqipërisë, në këtë pikë edhe 3 te tjerët nuk kanë pranuar të vijojnë udhëtimin dhe janë kthyer për në RMV.
Nuk është rast i veçuar, përgjatë vitit 2025 kemi kthyer 625 raste. 425 raste në gjashtë mujorin e parë të vitit, është një punë e përditshme dhe nuk ka vend për panik apo të thuash që policia nuk ka kryer detyrën e saj.” tha ai.
Por Skënder Hita konfirmoi se tashmë shteti po reagon ndaj elementëve që cenojnë sigurinë kombëtare dhe se kjo tashmë nuk do të ndalojë. /abcnews.al
