Loading ...Një 22-vjeçar i shpallur në kërkim ndërkombëtar nga autoritetet spanjolle është arrestuar në Shëngjin me qëllim ekstradimin drejt Spanjës, në kuadër të operacionit policor të koduar “Fast”.
Sipas njoftimit të policisë, shërbimet e Drejtorisë së Forcës së Posaçme Operacionale siguruan informacion se një shtetas në kërkim ndërkombëtar fshihej në qarkun e Lezhës.
Pas shkëmbimit në kohë reale të informacionit me partnerët spanjollë përmes rrjetit ENFAST, u organizua operacioni që çoi në kapjen dhe arrestimin e tij.
Në pranga ra shtetasi Orgito Paloka 22 vjeç, lindur në Lezhë. Ai ishte shpallur në kërkim ndërkombëtar nga Interpol Madrid, pasi ndaj tij ishte lëshuar urdhër arresti nga Juzgado Instrucción 2 Ibiza më 18 maj 2026.
22-vjeçari akuzohet nga autoritetet spanjolle për veprën penale të “Vrasjes”, mbetur në tentativë.
Policia bëri të ditur se procedurat për ekstradimin e tij drejt Spanjës janë në vijim, ndërsa bashkëpunimi mes autoriteteve shqiptare dhe atyre spanjolle vazhdon për finalizimin e procesit.
