Loading ...
Një studim i koordinuar nga Sapienza Università di Roma ka zbuluar rolin kyç të proteinës Transforming Growth Factor Beta-Induced (TGFBI), e cila vepron si një frenues i sistemit imunitar, duke favorizuar zhvillimin dhe përparimin e tumoreve.
Studimi, i botuar në revistën shkencore Journal for Immunotherapy of Cancer, hap perspektiva të reja për zhvillimin e terapive farmakologjike më efektive kundër kancerit.
Terapitë aktuale kundër tumoreve përfshijnë ilaçe që kanë arritur rezultate të jashtëzakonshme, siç janë antitrupat monoklonalë të drejtuar kundër të ashtuquajturave “immune checkpoints” (pikëkontrollet imunitare), mekanizma që tumoret i përdorin për t’i shpëtuar sulmit të sistemit imunitar”, .shpjegon një njoftim i universitetit.
Për zbulimet revolucionare në këtë fushë, shkencëtarët Tasuku Honjo dhe James P. Allison u nderuan me Çmimin Nobel për Fiziologji ose Mjekësi në vitin 2018.
Megjithatë, studiuesit theksojnë se jo të gjithë pacientët përfitojnë nga këto trajtime.
Pikërisht për këtë arsye, identifikimi i faktorëve të rinj që pengojnë reagimin imunitar kundër kancerit, si TGFBI, mund të çojë në zhvillimin e strategjive të reja terapeutike, duke rritur efektivitetin e imunoterapisë dhe duke përmirësuar prognozën për shumë pacientë me sëmundje tumorale.
