Marc-Andre Ter Stegen është një nga pikat më të forta të Barcelonës. Rritja e portierit gjerman në vitet e fundit është e jashtëzakonshme dhe ëndrra e tij e madhe është të luajë si titullar me Gjermaninë në Europianin e verës së ardhshme.
Rivaliteti me Neuer është i madh, por 27-vjeçari beson fort tek aftësitë dhe kualiteti i tij. Diçka e tillë e ka shtyrë të refuzojë edhe propozimin e Barcelonës për t’u operuar. Një dëmtim në tendinë e shqetëson prej kohësh dhe në klub e kanë këshilluar të realizojë ndërhyrjen kirurgjikale për t’u rikuperuar plotësisht.
Një gjë e tillë do e mbante rreth 3 muaj jashtë fushave, diçka e papranueshme për Ter Stegen. Gardiani i frikësohet qëndrimit jashtë dhe mendon se kjo gjë do i ulte shanset për të qenë titullar te kombëtarja e Low, kështu që ka vendosur të operohet në verë pas përfundimit të Euro 2020. /abcnews.al
