Loading ...Një histori që duket si skenar filmi. Nga një balerin shqiptar që në vitin 1991 preku tokën spanjolle me një grup artistësh të TKOB-së, te koreografi që sot Tomorr Kokona ka ngritur akademinë e tij në Londër, ka punuar me mijëra artistë në botë dhe ka siguruar miliona paund financime për artin.
“Kur pashë Perëndimin, vendosa të mos kthehem më” – si e ndryshoi një udhëtim në Spanjë fatin e Tomorr Kokonës? Pse thotë se kur mbërriti në Spanjë iu duk sikur gjithçka e kishte jetuar më parë?
Nga sfidat e emigrimit, puna pa ndalur dhe mësimi i gjuhëve në rekord kohe, te ngjitja si solist i parë në teatrot spanjolle dhe më pas transferimi në Britaninë e Madhe, aty ku nisi një kapitull i ri suksesi.
“Në Spanjë më shihnin si yll” – si arriti një shqiptar të spikaste në skenat europiane në një kohë kur konkurrenca ishte e egër dhe mosha dukej pengesë?
Nga vallja shqiptare në Londër, te workshop-et falas në Shqipëri që rikthejnë traditën në zemër të publikut. Në bahçen e “Resë”, valle nga Kukësi, Tropoja e treva të ndryshme shqiptare në një eksperiencë autentike për të gjithë.
Por jeta mori një kthesë të fortë…
Aksidenti që i “mbylli” skenën dhe i hapi milionat – si e shndërroi një dëmtim i rëndë në shpatull nga balerin në sipërmarrës të suksesshëm të industrive kreative?
Sot, Tomorr Kokona drejton akademinë e tij në Londër, të licensuar nga institucione prestigjioze, ku shqiptarët trajnohen falas, mentoron sipërmarrës kreativë në platforma europiane dhe ndërton ura mes artit, biznesit dhe suksesit ndërkombëtar.
