Incident i pazakontë në Britaninë e Madhe/ Radio shpall gabimisht vdekjen e mbretit, kërkon falje

Një radio që njoftoi aksidentalisht vdekjen e Mbretit Charles ka kërkuar falje për “çdo shqetësim të shkaktuar”.

Radio Caroline në Essex tha se një “gabim kompjuterik” në studion e saj kryesore kishte çuar në njoftimin e gabuar, të bërë të martën pasdite.

Drejtori i radios, Peter Moore tha: “Për shkak të një gabimi kompjuterik në studion tonë kryesore, një procedurë për vdekjen e monarkut, të cilën të gjitha radiot e Mbretërisë së Bashkuar e mbajnë në gatishmëri, u aktivizua aksidentalisht të martën pasdite (19 maj), duke njoftuar gabimisht se Mbretëria e Tij kishte ndërruar jetë”.

“I kërkojmë ndjesë Shkëlqesisë së Tij Mbretit dhe dëgjuesve tanë për çdo shqetësim të shkaktuar”, shtoi ai.

Incidenti ndodhi ndërsa Mbreti dhe Mbretëresha ishin në ditën e parë të udhëtimit të tyre në Irlandën e Veriut.

Si pjesë e udhëtimit tre-ditor, Charles dhe Camilla udhëtuan për në Newcastle.