Loading ...
Drejtori i Drejtori i CIA-s, John Ratcliffe është takuar me homologun e tij kubanez në Ministrinë e Brendshme në Havana, në një lëvizje që synon rritjen e dialogut mes dy vendeve, pas zhvillimeve të fundit diplomatike dhe ekonomike.
Takimi vjen pasi Shtetet e Bashkuara rinovuan një ofertë ndihme prej 100 milionë dollarësh (rreth 74 milionë paund) për të lehtësuar efektet e krizës së furnizimit me naftë në Kuba.
Në një deklaratë zyrtare, autoritetet kubaneze thanë se bisedimet ishin pjesë e përpjekjeve për përmirësimin e dialogut dypalësh dhe se i ishte bërë e qartë palës amerikane se Kuba nuk përbën kërcënim për sigurinë kombëtare të SHBA-së.
Nga ana tjetër, një zyrtar i CIA deklaroi për CBS News se SHBA është “e gatshme të angazhohet seriozisht në çështjet ekonomike dhe të sigurisë, por vetëm nëse Kuba bën ndryshime themelore”.
Kriza e energjisë në Kuba është përkeqësuar nga mungesat e karburantit, duke ndikuar rëndë në funksionimin e spitaleve dhe duke detyruar mbylljen e shkollave dhe institucioneve qeveritare në disa zona të vendit.
