Loading ...
Ishte një festë, edhe pse vinte pas një fatkeqësie. Barcelona është aq ekip i madh, dhe me aq përvojë në historinë e saj, saqë të lerë pas një humbje të hidhur siç ishte ajo në Champions, dhe të vazhdojë rrugën drejt titullit. Katalanasit fituan një sfidë e cila nuk ishte aspak e lehtë, pasi ishte një derbi, ndonëse u luajt në “Kamp Nou”.
Suksesi 4-1 nuk la asnjë dyshim tek tifozët dhe ishte I merituar. Ferran Torres ishte heroi kryesor me dy gola. Espanjoli shkurtoi shifrat në pjesën e dytë kur realizoi Lozano, dhe rrezikoi të barazonte, por vetëm kaq.
Lamin Jamal i dha siguri të vetëve për fitoren në 87’ dhe Rashford mbylli llogaritë dy minuta më pas.
“Poker për Ligën, – shkruan “El Mundo Deportivo”, – Madridi më -9! Barça bëri të vetin një derbi vendimtar për të marrë një epërsi të madhe 7 javë para fundit!”
“Liga është në xhep, – është thirrja e të përditshmes “Sport”, – Barça fiton derbin dhe bën një hap gjigand për të siguruar titullin!”
Ekipi “blaugrana” ka 79 pikë ndaj 70 të Realit, ndërsa duhen edhe 7 javë deri në mbyllje të La Ligës.
Tashmë, vëmendja është qind për qind e përqëndruar tek finalja mbi finalet, tek dueli I dytë çerekfinal I Championsit në fushën e Atletikos së Madridit, ndërsa ndeshja e parë u humbi 0-2 në shtëpi.
