Barça pranë “lamtumirës”/ Katalanasit “KO” në shtëpi nga Atletico, Champions një mirazh

Ndihej në ajër që kjo mund të ndodhte.

Jo më kot përpara ndeshjes komenti ynë ishte që Atletiko përfaqësonte “macen e zezë” të Barcelonës në Champions, dhe për të tretën herë u vërtetua.

Madrilenët bardhekuq fituan 2-0 brenda në “Kamp Nou” duelin e parë çerekfinal të Ligës së Kampionëve, e padyshim janë favoritë për kualifikim.

Karton I kuq për mbrojtësin vendas, Kubarsi, pastaj gol nga goditja e dënimit nga Hulian Alvarez për të mbyllur kështu pjesën e parë.

Barça e trajnerit Hansi Flik e ndjeu goditjen.

Atletiko mezi mundet me 11 në fushë, jo më në inferioritet numerik, dhe fati i “blaugranëve” të paktën këtë herë ishte I vendosur.

Sulmuesi norvegjez, Sorlot, shtoi golin e dytë për miqtë.

Gjithsesi, mediat katalanase patën akuza për arbitrin, pasi lojtari mik Pubij e preku topin me dorë ndërsa aksioni kishte filluar, por nuk u dha penallti.

Klubi katalanas do të bëjë ankesë në UEFA.

“Të dënuar, – titullon “El Mundo Deportivo”, me foton e arbitrit duke përjashtuar Kubarsin, – Barça e dhjetuar nga arbitri u rrëzua e duhet të kërkojë mrekullinë! Penallti e padhënë që zemëroi trajnerin Flik e tifozët!”

E përditshmja tjetër katalanase “Sport” ka më shumë besim: Po, mundemi! Kjo ishte thirrja nga “Kamp Nou”! Tifozët vlerësuan luftën e ekipit!”

“Atletiko sulmon si ndonjë bishë pylli, – është komplimenti nga “Marka” e Madridit, – Hulian dhe Sorlot afrojnë bardhekuqtë me gjysmëfinalet!”

“Art i pastër, – është komenti i të përditshmes madrilene, “AS”, – Goli nga encja kurorëzoi një paraqitje të fortë të Atletikos në “Kamp Nou” në çerekfinalet e Championsit”!

Natyrisht, gara mbetet e hapur, por skuadra e trajnerit Diego Pablo Simeone është shumë më pranë kualifikimit./abcnews.al