Loading ...
Ministria e Jashtme e Rusisë ka zbardhur detaje nga biseda telefonike mes kryediplomatit rus, Sergey Lavrov dhe homologut të tij iranian, Abbas Araghchi.
Në qendër të diskutimit ishte nevoja urgjente për depërshkallëzimin e situatës dhe roli i fuqive të mëdha në këtë proces.
Lavrov u shpreh se Rusia shpreson që përpjekjet për ndalimin e luftës do të rezultojnë të suksesshme. Megjithatë, ai hodhi topin në fushën e SHBA-ve, duke theksuar se Uashingtoni duhet të ndryshojë qasje.
Rusia dhe Irani ndajnë shqetësimin se hapat e fundit në arenën ndërkombëtare po dëmtojnë diplomacinë.
Ata bënë thirrje për përpjekje për të shmangur veprimet, përfshirë ato në Këshillin e Sigurimit të OKB-së, të cilat mund të minojnë shanset e mbetura për të avancuar përpjekjet politike dhe diplomatike për të zgjidhur krizën./abcnews.al
