Loading ...
Forcat e armatosura të Izraelit njoftojnë se gjashtë ushtarë të tyre janë plagosur në Liban në incidente të ndryshme.
Dy ushtarë u plagosën rëndë pasi një raketë kundërtank u qëllua drejt tyre dje pasdite në jug të Libanit, sipas Ushtrisë së Mbrojtjes së Izraelit (IDF).
Tre ushtarë të IDF-së u plagosën, njëri rëndë, pasi një dron ra pranë tyre, bën të ditur ushtria. Një ushtar tjetër u plagos pas një “aksidenti operativ”. Të gjithë ushtarët janë dërguar në spital.
Sulmi i ri i Izraelit në Liban filloi pasi grupi Hezbollah, i mbështetur nga Irani, lëshoi raketa drejt veriut të Izraelit në hakmarrje për vrasjen e liderit suprem të Iranit dhe për sulmet pothuajse të përditshme ndaj Hezbollah. Që atëherë, sulmet izraelite kanë shkaktuar vdekjen e më shumë se 1,000 personave në Liban, sipas Ministrisë Libaneze të Shëndetësisë.
Izraeli gjithashtu ka deklaruar se synon të marrë nën kontroll një pjesë të madhe të jugut të Libanit si pjesë e fushatës tokësore kundër Hezbollah.
