Loading ...Një 42-vjeçar është arrestuar në Kavajë, pasi plagosi me armë zjarri një person, gjatë një konflikti për motive të dobëta.
Në pranga u vu Pleurat Mustafa. Ndërkaq, policia arrestoi edhe 35-vjeçarin Agim Çelhyka, i cili dyshohet se e ka ndihmuar autorin të largohej nga vendngjarja, duke e transportuar me automjet drejt Durrësit.
I plagosuri është një 39-vjeçar i cili ndodhet në Spitalin e Durrësit, jashtë rrezikut për jetën.
Shërbimet e Policisë, pas disa orësh kontrollesh, bënë të mundur gjetjen e armës së zjarrit pistoletë, të cilën autori e kishte hedhur gjatë largimit nga vendi i ngjarjes./abcnews.al
