Ilir Shulku, Sekretari i Përgjithshëm i FSHF, i ftuar në emisionin Pressing në ABC News, ka veçuar si një nga arritjet më të mëdha hapjen e “Air Albania Stadium”. Ashtu sikurse edhe presidenti Armand Duka, edhe Shulku e cilëson si veprën më të madhe sportive në vend.
“Ka qenë një punë voluminoze, ku u bë e mundur që stadiumi të ishte gati në kohë rekord në ndeshjen kundër Francës. Është vepra më e madhe sportive në Shqipëri, ndoshta edhe më gjerë.
Ishte një punë e lodhshme, por në fund u realizua me sukses. Pakënaqësitë janë gjëra shumë të vogla para një vepre kaq të madhe”, është shprehur Shulku në fillim të emisionit “Pressing”, drejtuar nga Gerti Çarçani dhe Einxhel Shkira. /abcnews.al
