Loading ...
Mijëra qytetarë kanë pushtuar sheshet e Brukselit, në një marshim kombëtar për shkak të politikave shtrënguese të qeverisë belge.
Punëtorë nga të gjithë sektorët, studentë dhe pensionistë janë bashkuar kundër rritjes së kostove të jetesës, që sipas tyre po bëhet e papërballueshme si pasojë e krizës energjitike dhe tensioneve në Lindjen e Mesme.
“Mendoj se indeksimi i pagave nuk do të mjaftojë për të rregulluar situatën. Gjithçka po shtrenjtohet për shkak të asaj që po ndodh ndërkombëtarisht. Ka ardhur momenti të kërkojmë të jetojmë me dinjitet, jo thjesht të mbijetojmë siç kemi bërë prej vitesh”, pohoi qytetari Benjamin Mollatte.
Për shumë të tjerë, kjo krizë po prek jo vetëm nevojat bazike, por edhe mirëqenien mendore e sociale.
Studentët marshuan krah punëtorëve, duke kërkuar më shumë mbrojtje në një kohë pasigurie globale.
“Të gjithë jemi të shqetësuar nga lajmet ndërkombëtare dhe shkelja e drejtësisë sociale kudo në botë. Nëse do të mund të mbështeteshim më shumë te qeveria jonë për të na mbrojtur, do të ishim shumë më mirë”, u shpreh studenti Eluan Gomez Pores.
Ndërsa marshimi vijoi me thirrje të forta, sindikatat paralajmëruan se nëse masat nuk tërhiqen, familjet belge po shtyhen drejt një varfërie të pashmangshme.
