Loading ...
Presidentja e Komisionit Evropian, Ursula von der Leyen, ka deklaruar të mërkurën se lufta në Iran u ka kushtuar qytetarëve të bllokut 27-vendesh rreth 3 miliardë euro në importe energjie.
Ajo ka paralajmëruar se Evropa duhet t’i rezistojë tundimit për të blerë përsëri naftë dhe gaz rus.
Presidentja e Komisionit Evropian, Ursula von der Leyen, ka deklaruar të mërkurën se lufta në Iran u ka kushtuar qytetarëve të bllokut 27-vendesh rreth 3 miliardë euro në importe energjie.
Ajo ka paralajmëruar se Evropa duhet t’i rezistojë tundimit për të blerë përsëri naftë dhe gaz rus.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju.
“Çmimet e gazit janë rritur me 50% dhe çmimet e naftës me 27%. Nëse e përktheni këtë në euro, 10 ditë luftë u kanë kushtuar tashmë taksapaguesve evropianë tre miliardë euro shtesë në importe të lëndëve djegëse fosile”, ka deklaruar von der Leyen.
“Ky është çmimi i varësisë sonë”, u ka thënë ajo ligjvënësve të BE-së në Strasburg, Francë.
Ajo ka nënvizuar se çmimi i energjisë së rinovueshme dhe energjisë bërthamore evropiane ka mbetur i qëndrueshëm.
Von der Leyen ka hedhur poshtë thirrjet që BE-ja të kthehet në blerjen e energjisë ruse, gjë që blloku e ka ndaluar që kur presidenti Vladimir Putin urdhëroi futjen e trupave ruse në Ukrainë në vitin 2022.
“Ky do të ishte një gabim strategjik. Do të na bënte më të varur, më të prekshëm dhe më të dobët”, ka thënë ajo.
