Loading ...
Bashkimi Europian i ka cilësuar zhvillimet e fundit në Lindjen e Mesme të rrezikshme dhe ka bërë thirrje për mbrojtjen e civilëve dhe respektimin e ligjit ndërkombetar.
Shefja e politikës së jashtme të unionit Kaja Kallas tha se blloku po koordinohet me partnerët arabë për të ndjekur një rrugë diplomatime dhe po punon për largimin e qytetarëve europianë nga rajoni.
Franca, ushtria e së cilës ka baza dhe një prani të rregullt në Lindjen e Mesme, u ka bërë thirrje qytetarëve francezë në rajon të tregojnë kujdes të jashtëzakonshëm.
Ndërkohë Mbretëria e Bashkuar ka konfirmuar se nuk ka qenë pjesë e sulmeve të ndërmarra nga Shtetet e Bashkuara dhe Izraeli ndaj Iranit. Një zëdhënës I qeverisë britanike tha se Irani nuk duhet të ketë armë bërthamore, por theksoi se Londra nuk dëshiron të shohë përshkallëzim të mëtejshëm në një konflikt më të gjerë rajonal.
Gjermania ishte informuar paraprakisht për sulmet ushtarake të Izraelit ndaj Iranit dhe po monitoron nga afër zhvillimet.
Ministri i Jashtëm italian Antonio Tajani tha se po ndjek zhvillimet e fundit dhe theksoi se prioritet është siguria e qytetarëve italianë në rajon.
Kryeministri i Polonisë Donald Tusk tha se vendi I tij është I përgatitur për skenarë të ndryshëm, teksa qytetarët polakë në rajon aktualisht janë të sigurt.
Një reagim për tensionet erdhi edhe nga Rusia. Dmitry Medvedev, nënkryetar i Këshillit të Sigurisë së Rusisë reagoi me ironi ndaj presidentit amerikan Donald Trump, duke thënë se paqebërrësi e tregoi edhe njëherë fytyrën e tij.
