Loading ...
E kanë cilësuar si një nga avantazhet më të mëdha të tyre.
Polonia pret Shqipërinë për duelin e 26 marsit në Varshavë për plej ofin e Kupës së Botës, por mediat e atjeshme shkruajnë për një problem.
Federata Polake e Futbollit ka vendosur të mos lejojë në Stadiumin Kombëtar një nga grupimet e ultrasve më të njohur, dhe deklaron se e ka ndërprerë përfundimisht marrëdhënien me të.
Flitet për grupimin “Jemi ne polakët”, I cili akuzohet për veprime skandaloze në ndeshjen ndaj Holandës në eliminatoret e Botërorit.
Sipas të përditshmes kryesore sportive në Varshavë, “Przeglad Sportovi”, këta ultras kanë hedhur fishekzjarre në fushë pas golit të shënuar nga Polonia në barazimin 1-1 në fushën e vet në 14 nëntor të vitit të kaluar.
Gazeta komenton se ky vendim I Federatës vjen në momentin më të keq të mundshëm, përpara ndeshjes vendimtare ndaj Shqipërisë për të kaluar në finalen e plej ofit.
Kombëtarja shqiptare u kualifikua për herë të parë në historinë e saj në plej ofin e Kupës së Botës, pasi la prapa Serbinë në grup duke dalë në vend të dytë.
Me Poloninë bilanci është mjaft negativ, ndonëse vitet e fundit kemi arritur fitoren 2-0 në Tiranë në eliminatoret e Kampionatit Europian dhe jemi mundur vetëm 1-0 në Varshavë.
