Loading ...
E nisën dhe e vazhduan emra të shquar si Federika Brinjone dhe Françeska Lolobrixhida. Nën ritmin e këtyre dy femrave të shkëlqyera, skuadra olimpike italiane realizoi diçka të madhe në Lojrat Olimpike.
Pikërisht një ditë përpara fundit të Olimpiadës që u mbajt pikërisht në Itali, ekipi I kaltër arriti medaljen e 10-të të artë, diçka që nuk ka ndodhur kurrë.
Po ashtu, është vendosur një rekord I ri me 30 medalje gjithsej, që do të thotë 33 për qind më shumë sesa rekordi i mëparshëm.
Titullin e fundit olimpik për italianët e fitoi Simone Deromedis në disiplinën që quhet kros me ski për meshkuj.
Edhe pse nuk shkëlqeu në garën kualifikuese, 25-vjeçari nga Trento u shfaq si më I forti në çerekfinale dhe në gjysmëfinale, për të realizuar shpërthimin përfundimtar në finale.
Ai la pas italianin tjetër, Federiko Tomazoni, që fitoi argjendin, ndërsa medaljen e bronzit e mori skiatori zviceran, Aleks Fiva, që ishte nënkampion olimpik në Pekin katër vjet më parë.
Italia fitoi gjithsej 10 medalje të arta, 6 argjendi dhe 14 bronzi, dhe në total 30, ose më shumë sesa në dy Olimpiadat e mëparshme të dimrit në 2022 në Kinë dhe në 2018 në Korenë e Jugut.
