Reagim i Komunitetit Mysliman pas ngjarjeve të protestës së PD, ku besimtarët u penguan në lutje

Komuniteti Mysliman i Shqipërisë ka reaguar publikisht pas protestës së zhvilluar mbrëmjen e djeshme nga Partia Demokratike ku u hodhën molotovë e gaz lotsjellës pranë ambienteve të xhamisë së Namazgjasë.

KMSH thotë se e ka ndjekur me vëmendje dhe shprehen të indinjuar për lëndimin e pajustifikuar të besimtareve, të cilët ndodheshin në ambientet e xhamisë për të kryer ritet e tyre fetare në paqe dhe qetësi.

Ata thone se e dënojne me vendosmëri incidentin e ndodhur më 20 shkurt 2026 pranë Xhamisë së Namazgjasë, ku shprehen se besimtarët e  pafajshëm u lënduan pa asnjë shkak.

Në reagimin publik Komuniteti Mysliman bën thirrje për maturi dhe vetëpërmbajtje  në mënyrë që veprimet e tyre të mos cenojnë të drejtat dhe liritë e besimtarëve tanë apo të çdo qytetari tjetër.