Loading ...
Shtëpia e Bardhë thotë se vendimi i Vatikanit për të mos marrë pjesë në takimin e parë të Bordit të Paqes për Gazën është “thellësisht për të ardhur keq, sepse paqja nuk duhet të jetë një çështje partiake, politike ose e diskutueshme”.
Sekretarja e Shtypit e Shtëpisë së Bardhë, Karoline Leavitt, një katolike e lindur në Gjermani, e kritikoi ashpër Vatikanin pasi ky i fundit tha se nuk do të marrë pjesë në “Bordin e Paqes” të Donald Trump.
Zëdhënësja e Shtëpisë së Bardhë, Karoline Leavitt e tha këtë në konferencën e saj të përditshme për shtyp, duke e quajtur organizatën të themeluar nga Presidenti i SHBA-së për të zgjidhur konfliktet në mbarë botën si “legjitime”.
“Ky president ka një plan shumë ambicioz dhe të guximshëm dhe një vizion për rindërtimin e Gazës. Është një organizatë legjitime me dhjetëra vende nga e gjithë bota, kështu që tërheqja e Vatikanit është e pafat.”, theksoi Leavitt.
Vatikani tha të martën se nuk do të merrte pjesë në të ashtuquajturin Bord të Paqes të Presidentit të SHBA-së Donald Trump, pavarësisht një ftese të lëshuar në janar për Papën Leo XIV për t’u bashkuar me bordin. Selia e Shenjtë “nuk do të marrë pjesë në Bordin e Paqes për shkak të natyrës së tij të veçantë, e cila padyshim nuk është ajo e shteteve të tjera”, tha Kardinali Pietro Parolin, diplomati më i lartë i Vatikanit.
