Loading ...Analisti i sigurisë Artur Nura ka komentuar zhvillimet më të fundit mbi dosjen e Jeffrey Epstein, e cilësuar si një nga skandalet më të rënda që ka tronditur opinionin publik ndërkombëtar.
I ftuar në emisionin “Real Story” në ABC News, Nura ngriti dyshime për një prapaskenë të mirëorganizuar, duke e lidhur çështjen me praktika të vjetra të shërbimeve sekrete sovjetike dhe me ndikime që, sipas tij, synojnë goditjen e moralit dhe imazhit të Perëndimit.
Ai theksoi se koha e publikimit të këtyre fakteve, përfshirja e figurave të njohura ndërkombëtare dhe referencat e shpeshta ndaj Rusisë dhe presidentit Vladimir Putin në dokumente, nuk janë rastësore, por pjesë e një strategjie më të gjerë gjeopolitike që kërkon vëmendje dhe kujdes të shtuar.
“Nëse do i referohemi të gjitha praktikave ndërkombëtare dhe faktit që minorenët janë viktimat, të gjitha analizat lidhen me sistemin e vjetër sovjetik. Kanë funksionuar me spiunuar femra të bukura. Nëse nuk do të kishim viktima të rritura, nuk do të kishim këtë sensibilitet. Ju duket rastësi që janë filmuar të gjitha?! Ju duket rastësi që të gjitha po zbulohen në këtë periudhë mjaft delikate?! Të gjitha këto godasin moralin e Perëndimit.
Bill Clinton për shqiptarët dhe Kosovën është një njeri i madh. Ajo që sipas meje është gjenden të papërgatitur në një moment të veçantë. Të gjithë duhet të japin dorëheqjen, por ajo që goditet më shumë është Perëndimi. Në të gjitha dokumentet përmendet Putini më shumë se 1 mijë. Të gjitha lidhjet me Moskën, tregojnë që mund të ketë qenë një spiun. Në të gjithë praktikën e vjetër rus, të gjithë ata që kërcënojnë të nxjerrin sekretin përfundojnë të vrarë dhe të helmuar dhe paraqiten sikur kanë vrarë veten. Strategjia e Ballkanit dhe Evropës është e njëjtë dhe kjo duhet pasur pak kujdes”, tha Artur Nura.
