Loading ...Nga 27 tetori deri më 8 nëntor, qytetarët e Kosovës që jetojnë jashtë vendit mund të votojnë përmes postës për raundin e dytë të zgjedhjeve për kryetarë të komunave.
Komisioni Qendror i Zgjedhjeve njoftoi se të drejtë vote kanë vetëm 29.712 shtetas të Kosovës që janë regjistruar me sukses për votim jashtë vendit për raundin e parë të zgjedhjeve lokale të mbajtura më 12 tetor.
Më 25 tetor, KQZ-ja shpalli rezultatet përfundimtare për zgjedhjen e lokale në 35 komuna, ndërkaq rezultatet ende nuk janë shpallur për Prishtinën, Junikun dhe Mamushën, pasi në këto komuna ka afat ligjor prej 48-orësh për parashtrimin e ankesave në Panelin Zgjedhor për Ankesa dhe Parashtresa.
Raundi i balotazhit do të zhvillohet më 9 nëntor në 18 komuna, ndërkohë KQZ-ja ka certifikuar listën e votuesve për votimet në këtë raund./abcnews.al
