Stuhi e fortë në Spanjë, përmbytjet rrëmbejnë gjithçka

Përmbytje të mëdha të shkaktuara nga shirat e rrëmbyeshëm kanë goditur rajonin verilindor spanjoll të Katalonjës, duke lënë dhjetëra njerëz të bllokuar në automjetet e tyre.

Pamje dramatike kanë qarkulluar në rrjete sociale që tregojnë përmbytjet që kanë përfshirë qytetet La Rapita dhe Santa Barbara në provincën e Tarragonës.

Por, Agjencia e Mbrojtjes Civile u bëri thirrje banorëve të Deltës së Lumit Ebro në Tarragona që të mos largohen nga shtëpitë e tyre. AEMET paralajmëroi se deri në 180 milimetra shi mund të bien në zonë vetëm në 12 orë.

“Situata është e ndërlikuar dhe parashikohen më shumë shira”, citohet të ketë thënë Cristina Vicente, një zyrtare e lartë në agjenci.

Stuhia shkaktoi gjithashtu pezullimin e trafikut hekurudhor në Korridorin Mesdhetar, i cili lidh qytete si Barcelona dhe Valencia, deri në njoftim të dytë. u

Në ditët e fundit, shira të rrëmbyeshëm dhe përmbytje kanë goditur edhe disa rajone të tjera në Spanjën juglindore, përfshirë Ishujt Balearik. Sipas ekspertëve të fushës, shkaku i këtij moti ekstrem është stuhia Alice, e cila është formuar në Mesdheun perëndimor./abcnews.al