Loading ...
TIRANË- Ndërsa në Egjipt zhvillohen prej dy ditësh negociatat mes Izrael dhe Hamas, ambasadorja e Izraelit ne Tiranë Galit Peleg thotë në intervistë ekskluzive për ABC News se Tel Avivi pret tym te bardhe nga këto bisedime dhe arritjen sa më parë të një marrëveshje paqeje.
Diplomatja hedh poshtë akuzat për gjenocid nga Izraeli ne Gaza dhe sqaron se lufta e tyre ka qene kundër terroristëve. Mes tjerash, diplomatja e Izraelit, gjatë intervistës thotë se palestinezët i ka vrarë grupi i Hamas.
Intervista e plotë:
Gazetari Sali Doçi: Zonja Ambasadore mirë se vini në program!
Ambasadorja Galit Peleg: Faleminderit shumë, faleminderit që më ftuat.
Gazetari Sali Doçi: Duket se kemi momentin më të mire historik për paqe në Lindjen e Mesme. Deri më tani negociatat indirekte janë mbajtur me dyer të mbyllura. Bazuar në informacionin që ju keni, kush është progresi i bërë deri më tani?
Ambasadorja Galit Peleg: Para se t’ju përgjigjem, nëse më lejoni të referohem datës që po shënojmë sot. Sot janë dy vjet nga masakra e 7 tetorit. Situata në Izrael është shumë e vështirë dhe ne nuk jemi kthyer në normalitet kurrë më që prej 7 tetorit të vitit 2023, pasi atij që është sulmi më I tmerrshëm ndaj hebrenjve dhe Izraelitëve që nga Holokausti, ku u vranë afërsisht 1200 persona, shumica prej tyre civilë, fëmijë dhe të moshuar. Shumë njerëz janë zhvendosur nga Shtëpitë e tyre dhe vijojnë të jenë të zhvendosur nga Shtëpitë e tyre. Ata nuk janë kthyer në shtëpitë e tyre sepse shtëpitë e tyre janë djegur deri në themel dhe ka shumë trauma. Ne themi sot se Izraeli është një vend në trauma, nuk jemi në pos-traumë. Pra dy vite kanë kaluar dhe do të thoja se shumë vende në botë u kthyen në rutinën e tyre, por në Izraelin tone ne nuk jemi rikthyer në rutinë. Për fat të keq pas këtyre ngjarjeve dhe pas luftës që filloi menjëherë më pas, dhe më lejoni të ndalem pak këtu t’iu kujtoj teleshikuesve se Izraeli nuk ishte ai që e kërkoi këtë luftë, nuk ishte ai që e hapi këtë luftë. Arsyeja pse ushtria jonë hyri në Gaza ishte për të kthyer atëherë 251 pengjet që u rrëmbyen në 7 tetor. Sot kemi ende 48 pengje që mbahen nga Hamas, midis tyre ne besojmë se të paktën 20 janë ende gjallë. Të tjerët u vrarë. Kjo situate vazhdon ende në Izrael. Pra ndërsa shohim në mbarë botën se njerëzit harruan se çfarë ndodhi dy vite më parë, ne e kujtojmë shumë qartë. Fatkeqësisht njerëzit jo vetëm harruan se çfarë ndodhi por ne dhe bota po shohim protesta, protesta shumë të dhunshme kundër Izraelit, por edhe kundër Hebrenjve. Ne pamë sulmin e tmerrshëm terrorist në një sinagogë në Manchester javën e kaluar në festën më të shenjtë të popullit hebre, Yom Kippur, Pra ne I shohim këtë fenomene, Ne shohim sot thirrje për festimet e 7 tetorit në qytete si Berlini, Roma dhe Londra si dhe në universitete dhe kampuset në Shtetet e Bashkuara, gjë që është e pabesueshme. Të mendosh njerëzit po festojnë një masakër, kjo është ajo që shënojmë sot. Pra ne jemi shumë të përqendruar në kujtimin e viktimave, por simbolikisht po merremi edhe me një situate shumë realiste dhe kjo është lufta që mund të mbarojë dhe pengjet do të jenë në shtëpi, kjo është përgjigja ime në lidhje me pyetjen tuaj. Ju e dini që presidenti Trump e nisi këtë proces shumë specifik me qëllim që ti jepte fund luftës, me qëllim që të kthente pengjet në Shtëpi. Izraeli është shumë në përputhje me vijën që ndjek Amerika lidhur me këtë plan. Presidenti Trump paraqiti një plan me 20 paragrafë, pra me 20 pika. Izraeli e pranoi këtë plan edhe pse ai përfshinte kërkesa shumë të dhimbshme për Izraelitet. Për shembull ne duhet të dërgojmë mbrapsht në gaza shumë terrorist që ndodhen sot në burgjet Izraelite. Pra ne kemi thënë se nëse kjo do të shpëtojë pengjet tona, ne jemi të gatshëm ta ndërmarrim këtë akt të dhimbshëm. Gjithashtu kërkesë që I është bëri Izraelit është që të ndërpresim sulmet në Gaza dhe të kalonim në vijë mbrojtëse. Por ky nuk është problem për ne, sepse objektivat shumë specifike të kësaj lufte në Gaza ishin përcaktuar që në fillim dhe prioritet për ne ishte lirimi I pengjeve. E kemi bërë këtë luftë duke dashur gjithashtu që të sigurohemi se organizata terroriste si e Hamasit nuk do ta kontrollojnë më Gazën e cila është në kufi me Izraelin. Pra nëse ky plan do të sjellë plotësimin e këtyre dy kërkesave tona, atëherë ne jemi të gatshëm për të ndërmarrë edhe akte shumë më të dhimbshme për të arritur qëllimet tona. Nga ana tjetër kemi Hamasin, Hamas është organizatë terroriste deri më tani. Ato ranë dakord për gjithçka që duhet të bëjë Izraeli, por ata po negociojnë se çfarë duhet të bëjnë ata.
Gazetari Sali Doçi: Zonja ambasadore, ju më thoni tani se Izraeli është gati të bëjë një hap të dhimbshëm dhe dua të ndalem tek zhvillimet e fundit bazuar në deklaratat që ka dhënë Hamasi dhe Izraeli. Benjamin Netanyahu ka thënë se ne nuk e tërheqim ushtrinë tone nga Rripi I Gazës, ndërkohë Donald Trump tha në fundjavë se ju do ta bëni diçka hap pas hapi. Nga ana tjetër Hamas nuk ka pranuar të dorëzojnë armët e tyre dhe gjithashtu të largohen nga qeverisja e Gazës. Pyetja ime është shumë e qartë. A është Izraeli I gatshëm të bëjë një kompromis për ta lënë Hamasin të qeverisë dhe të qëndrojë në Gaza për aq kohë sa kjo marrëveshje siguron lirimin e të gjitha pengjeve menjëherë.
Ambasadorja Galit Peleg: Nga njëra anë, kemi 48 pengje që duhet të kthehen në shtëpi por kjo nuk është e vetmja çështje pasi nga ana tjetër kemi 10 milionë civilë Izraelitë që duhet të largohen nga shtëpitë e tyre për siguri. Nëse Hamas do të mbetet në kontroll të qeverisë në Gaza, nëse ata qëndrojnë me të gjitha armët e tyre, nëse ata qëndrojnë me kapacitetet për të sulmuar Izraelin nesër, ashtu siç bënë më 7 tetor, atëherë ju vini në rrezik jo 48 persona, por 10 milionë njerëz. Pra, sigurisht, qeveria e Izraelit dhe ushtarët tanë janë të detyruar të ruajnë sigurinë e civilëve në të gjithë Izraelin. Pra Izraeli nuk do të largohet kështu thjesht nga Gaza dhe ti lërë gjërat ashtu siç janë tani. Nëse Izraeli tërhiqet nga qytetet ku është tani, nga çdo vend ku është tani në Gaza drejt një zone të sigurt ku ne mund ta mbrojmë Izraelin, atëherë kjo është ajo që do të bëjmë. Izraeli nuk do të tërhiqet kështu thjesht dhe ta lërë më pas sigurinë e civilëve të izraelit në duart e terroristëve apo edhe në duart e bashkësisë ndërkombëtare. Ne jetojmë atje dhe për fat të keq kemi një përvojë shumë të dhimbshme. Ne e dimë se të vetmëve që mund t’ua besojmë sigurinë tone është ushtria jonë. Tani edhe nëse duhet të bëjmë edhe disa kompromise të dhimbshme, ne duhet ti bëjmë ato me shumë mençuri dhe në një formë që nuk do të rrezikojë sigurinë e civilëve të Izraelit.
Gazetari Sali Doçi: Është shumë e qartë. Presidenti Amerikan Donald Trump tha dje se Hamas ka bere disa lëshime të rëndësishme në raundin e parë të bisedimeve. Nga ana tjetër mediat ndërkombëtare kanë raportuar se pas konferencës për shtyp që Benjamin Netanyahu ka pasur me Donald Trump, ka pasur disa përplasje mes tyre. Është raportuar se ka pasur një telefonatë të mbajtur këtë të premte, ku Donald Trump ka thënë se ky është sukses. Benjamin Netanyahu ka thënë se është shumë herët për ta thënë këtë. Nuk e dimë se çfarë po bën Hamasi, nuk e di si do të shkojë e gjitha kjo. A jeni ju dhe Shtetet e Bashkuara aktualisht të orientuar drejt një qëllimi të përbashkët në lidhje me paqen dhe Stabilitetin për Lindjen e Mesme.
Ambasadorja Galit Peleg: Unë besoj se jemi në të njëjtën linjë dhe mendoj se si kryeministri Netanyahu ashtu edhe Presidenti Trump e dinë se gjithmonë ka një hendek midis deklaratave të para dhe hapave praktikë për t’u zbatuar në këtë proces. Unë besoj se ajo që duam të shohim janë pengjet në shtëpi. Mund t’ju them se nga ajo që shohim sot është se ka shumë përgatitje në spitalet izraelite sot me shumë shpresë për të pritur pengjet që do të kthehen. Ne e dimë se ata janë në një gjendje të shkatërruar. Ne pamë klipet e tmerrshme, videoklipet që publikoi Hamasi siç ishte ai I pengut Evyatar David që duket si një skelet. Dhe ne e dimë se do të duhet kohë për t’i trajtuar ata kur të kthehen në shtëpi. Ne i bëjmë këto përgatitje sepse besojmë se nga ana jonë do të bëjmë çmos për të zbatuar këtë marrëveshje. Meqenëse nuk kemi të bëjmë me një vend, me një qeveri normale dhe meqë kemi të bëjmë me një organizatë terroriste , deri në momentin e fundit nuk mund të jemi të sigurt se ata do ti përmbushin premtimet e tyre ose ato premtime për të cilat ata janë zotuar të angazhohen. Dua të them se kjo marrëveshje që presidenti Trump vuri në tryezë është dukshëm e ndryshme nga përpjekjet e mëparshme për të arritur një lloj marrëveshje. E gjitha kjo për shkak të partnerëve ose ai koalicion që Presidenti Trump menaxhoi së bashku. Fakti që në këtë marrëveshje kemi mbështetjen e plotë për këtë plan nga vende që mbështesin Hamas si Turqia, si Katari. Tani këto vende gjithashtu po ushtrojnë presion mbi Hamas që ta pranojë këtë marrëveshje. Kjo jep shpresë se Hamas është mjaft I Izoluar dhe nëse ata do ta refuzojnë këtë marrëveshje , atëherë do të shohin rezultate shumë më të ashpra se të gjithë kemi parë më parë. Tashmë nuk do të jetë vetëm Izraeli kundër Hamas, por I gjithë Koalicioni që Presidenti Trump arrit të mbledh duke ushtruar presion mbi Hamasin. Kjo është arsyeja se përse jemi optimist. Tani përsëri, te hapat praktikë, te zbatimi praktik duhet të shohim se çfarë do të dale. Po presim siç thamë që të dale tym I bardhë nga Kajro për të parë se cili do të jetë rezultati.
Ka qenë një vit I vështirë për Izraelin në lidhje me partneritetin e tij me vendet perëndimore. Nëse vitin e kaluar ishim bashkë duke folur për organizata të ndryshme që e akuzonin Izraelin për krime kundër njerëzimit, këtë vit akuzat janë edhe më të ashpra.
Gazetari Sali Doçi: Ka qenë një vit i vështirë për Izraelin në lidhje me partneritetin e tij me vendet perëndimore. Nëse vitin e kaluar ishim bashkë duke folur për organizata të ndryshme që e akuzonin Izraelin për krime kundër njerëzimit, këtë vit akuzat janë edhe më shumë. Ka raporte nga Kombet e Bashkuara dhe organizata të tjera ndërkombëtare që thonë se Izraeli ka kryer gjenocid në Gaza. Ndërkohë kemi disa partnerë perëndimor që I bëjnë thirrje Izraelit të heq dorë nga kjo luftë sa më shpejt të jetë e mundur dhe të lejojë të gjithë ndihmën humanitare që të hyjë në gaza për palestinezët. Dy nga këto vende kanë qenë Spanja dhe Franca, si I ka parë Izraeli këto lëvizje nga vendet perëndimore? Ndërkohë Izraeli thotë se po luftojmë terrorizmin jo vetëm për Izraelin , por edhe për çdo vend.
Ambasadorja Galit Peleg: E dini dua ti përgjigjem kësaj pyetje me një shprehje të Kryeministrit Rama. Ai dha një intervistë, mendoj se ishte në muajin maj për Jerusalem Post. Ai tha diçka që mendoj se vendosë në një fare mënyre një kornizë. Ai tha është shumë e lehtë të ulesh në Europë dhe të kritikosh Izraelin. Ai tha që Izraeli nuk është perfekt, ai ka gjithashtu kritika ndaj nesh. Por ai theksoi se është shumë e lehtë të ulesh në Europë dhe të Kritikosh Izraelin. Është shume e lehtë të mos jesh në Izrael, të mos kesh nevojë të kesh dilemat që ka mbi vendimet që merr Kryeministri Izraelit, të mos mendosh për sigurinë e qytetarëve Izraelitë, të mos marrësh në konsideratë asgjë që ka të bëjë me mbrojtjen e Izraelit dhe te kritikosh Izraelin. Gjithashtu ju e dini se duke përdorur terminologji si gjenocidi, uria, gjëra të tilla epo është shumë e lehtë ti hedhësh këto deklarata në ajër. Por nëse I shihni vërtet faktet, numrat, do të shihni se kjo terminologji është thjesht e parëndësishme. Do të them vetëm një gjë në lidhje me këtë. Para së gjithash nëse Izraeli donte të kryente Gjenocid ndaj Palestinezëve, si ka mundësi që numri I palestinezëve vetëm po rritet dhe nuk po ulet. Shihni pak numrin e popullsisë. Sot ka më shumë palestinezë dhe nëse kjo do të ishte axhenda e Izraelit në 75 vite, numri I palestinezëve do të ishte ulur dhe jo shumëfishuar. Kjo është e para dhe gjëja e dytë është kjo, shihni pak nëse mbështetni në shifrat që jep Hamas, sepse të gjithë mbështeteni tek shifrat që jep Hamas. Të gjithë thonë Ministria e Shëndetësisë në Gaza. Kush është ministria e Shëndetësisë në Gaza është Hamasi
Pra, shifrat që të gjithë marrin janë nga Hamasi. Edhe vetë Hamasi thotë se të paktën 50% e të gjitha viktimave janë njerëzit e tyre. Ne i quajmë terroristë, ata i quajnë luftëtarë, s’ka rëndësi. Por nëse shikoni shifrat, ata vetë thonë se 50% e tyre, viktimat janë njerëz të tyre . Pra ne 65 mijë të vrarë, nëse 50% janë nga Hamas atëherë I bie se janë vrarë 30 mijë militantë të tyre. Më tregoni një luftë tjetër në botë… shikoni unë nuk dua të them që viktimat apo vrasja e civilëve nuk është e tmerrshme. Ne besojmë se çdo person është një botë e tërë, por ne e dimë njerëzit vdesin në luftëra. Dhe kur ke 35 mijë militantë apo terroristë që kanë vdekur gjatë një lufte, atëherë terminologjia e gjenocidit është jashtë diksutimit. Kjo është gjëja e dytë. Tani më lini të ndalem tek bashkësia ndërkombëtare, ajo që përmendet, ju duhet të merrni në konsideratë disa gjëra.
Para së gjithash, në shumë organizata ndërkombëtare, përfshirë Kombet e Bashkuara, keni shumicë automatike kundër Izraelit. Shikoni numrin e vendeve që janë vende arabe, që janë vende myslimane, që mbështesin automatikisht palestinezët. Pra, do ta shihni se në çdo vote do të ketë shumicë automatike për palestinezët. Kjo nuk është një vote por ky është efekt. Gjëja e dytë është se shihni presionin që vende si Spanja, si Franca po marrin nga popullsia e tyre e brendshme. Shikoni protestat e dhunshme në rrugë. Shikoni shumë presion, shumë rritje të antisemitizmit, shumë presion mbi qeveritë e tyre nga shumë emigrantë që vijnë nga vendet arabe. Pra, shihni se në shumë raste, i gjithë pozicioni i këtyre vendeve ndikohet nga politikat e tyre të brendshme. Pra, kjo është diçka që nuk mund ta vendosësh Izraelin në të njëjtin pozicion si presioni që ju merrni nga protestat brenda vendit tuaj. Shikoni protestat, protestat pro-izraelite në Evropë dhe protestat pro-palestineze. Protestat pro-izraelite, shihni njerëz që këndojnë, luten ose ecin me pankarta. Protestat pro-palestineze që pamë dje ose dy ditë më parë, ajo që ndodhi në Barcelonë, hyrja me forcë në dyqane, ëëë, rrahja e njerëzve, shumë dhunë. Dhe e kuptoj që udhëheqësit në Evropë kanë frikë nga kjo dhunë në rrugët e tyre. Kështu që ata në një farë mënyre dorëzohen para kesaj. Tani, fakti që vendet evropiane, vendet që përmendët po tregojnë empati ndaj vuajtjeve të palestinezëve, këtë mund ta kuptoj. Por të pretendosh se Izraeli nuk po lejon ndihmën humanitare, është…Është thjesht një gënjeshtër. Domethënë, ka pamje filmike. Në fakt, ka një ose disa kamera në pikat kufitare midis Izraelit dhe Gazës, të cilat njerëzit mund t’i shohin, dhe janë online, dhe njerëzit mund të shkojnë në këtë faqe interneti, ta shikojnë këtë faqe interneti dhe të shohin kamionët që hyjnë. Pra, kush po e ndalon ndihmën humanitare? Tani do t’ju tregoj kush po e ndalon ndihmën humanitare. Hamasi po merr, ai është në të vërtetë duke marrë kontrollin e çdo kamioni që hyn në Gaza, deri më tani. Deri në gusht në fakt, derisa ata themeluan këtë organizatën amerikane që filloi të shpërndante ndihma. Por deri atëherë, për një vit e dhjetë muaj, Hamasi konfiskoi çdo furnizim me ushqim, ilaçe, ushqim për fëmijë që hynte në Gaza. Ata ua çuan popullit të tyre dhe ua shitën me shumë para civilëve në Gaza. Pra, a ka njerëz që po vuajnë në Gaza? Po. A ka civilë që ndoshta janë…Shumë të uritur në Gaza? Po, por nuk është sepse Izraeli nuk lejon ndihmën humanitare por…
Gazetari Sali Doçi: Një pyetje bazuar në atë që po më thua. Tani për tani po flasim për raportet që Izraeli kontrollon të paktën 83% të Gazës me ushtrinë e tij, pra territorin Gazës. Ndërkohë në vitin e fundit kemi më shumë se 200 njerëz ndoshta që kanë vdekur nga Uria atje. Kemi parë të gjithë civilët që vrapojë atje pvr të marrë ndihma të gjithë kaosn. Pse po ndodhin vdekjet nga uria në gaza, për aq kohë sa Izraeli e kontrollon këtë territor. Pse po vdesin fëmijët atje, kush vshtë armiku juaj këtu është Hamas apo bëhet fjalë për mungesë logjistike?
Ambasadorja Galit Peleg: Njerëzit në imagjinatën e tyre mendojnë se ekziston një rajon për Hamasin dhe rajoni për civilët palestinezë dhe se ushtria jonë është kudo dhe ajo po I qëllon të gjithë. Hamas është mes civilëve, ky grup fshihet pas tyre. Ata po përdorin civilët si mburoja njerëzore. Më tregoni një tjetër ushtri në botë, që kur të vijë koha për të sulmuar njofton vendin tjetër me altoparlantë, telefonon njerëzit në celularët e tyre, shpërndan fletushka. Po iu thotë njerëzve se nesër në orën 4 do të sulmojmë këtë lagje, ju lutem evakuohuni. Ushtria Izraelite po e bën këtë për të mos dëmtuar civilët. Njerëzit po telefonojnë, ushtria jonë po telefonon civilët në telefon, por pastaj ke Hamas që qëllon mbi këta civilë që përpiqen të evakuohen.
Hamas jo vetëm që po iu merr ushqimin, por po sigurohet që ti mbajë atje si mburojë njerëzore. Tanim kur ka rrezik për ushtarët tanë, kur dikush vjen me snapjer në këmë ose qëndron mbi çatinë e një ndërtese ne sigurisht që do të qëllojmë për të eliminuar këtë kërcënim. Në çdo luftë lëndohen civilvt, por në këtë rast është sistematikisht nga Hamas, një grup, i cili është qeveria e këtij vendi, ata janë terroristë të zgjedhur janë qeveri. Populli i Gazës votoi për Hamas që atëherë pavarësisht nëse iu pëlqen apo jo, pavarësisht nëse vuajnë prej tyre, ata janë qeveri e zgjedhur. Qeveria e zgjedhur në Gaza, që është Hamasi, si rregull, nuk i mbron civilët e saj. Pra, kur ata lëndohen, adresa duhet të jetë Hamasi. Ju kujtohet fillimi i luftës, fillimi i luftës, diku në tetor 2023.
Pas 8 tetorit, kur udhëheqësit e Hamasit, të cilët në atë kohë ishin ende gjallë, dhanë intervista për BBC-në dhe CNN-në, dhe u pyetën nëse keni 500 kilometra tunele. Kur Izraeli ju bombardon, pse nuk i lini civilët të shkojnë në tunele për t’u fshehur? Dhe ata thanë jo, jo, jo, këto tunele nuk janë për mbrojtje. Këto tunele janë për luftë. Kështu që nuk i lanë të fshiheshin kur Izraeli bombardoi nga ajri. Nuk u japin ndihmë humanitare. Dhe tani…Ata nuk i lanë të evakuoheshin edhe kur ushtria njoftoi se do të merrte kontrollin e kësaj lagjeje ose të kësaj ndërtese. Pra, kjo pyetje duhet t’i bëhet udhëheqjes së Hamasit. Tani, civilët janë bllokuar në mes. Disa prej tyre po bashkëpunojnë me Hamasin. E dimë. I pamë duke festuar në rrugë. Madje i pamë duke festuar edhe sot. Sot, pati pamje nga Gaza të civilëve duke festuar, ah, fituam, arritëm ta shkatërronim Izraelin. Pra, ata ende festojnë pas dy vitesh. Por ndoshta shumica e civilëve të përfshirë, siç thatë ju, fëmijë, nuk janë të përfshirë, por ata ende mbahen si pengje nga qeveria e tyre në këto zona lufte, zona lufte, sepse çdo herë që një civil lëndohet, është një festë për Hamasin. Është një reklamë e shkëlqyer për ta. Pra, përgjegjësia për të mbrojtur qytetarët e Izraelit është e qeverisë së Izraelit. Përgjegjësia për të mbrojtur civilët e Gazës është e qeverisë së tyre. Por qeveria e tyre nuk është në axhendën e tyre.
Gazetari Sali Doçi: Zonja ambasadore, vitin e kaluar diskutuam së bashku në përvjetorin e parë të 7 tetorit se sa militantë të Hamasit ka shkatërruar Izraeli. Bazuar në një raport të inteligjencës amerikane, në Gaza vepronin 40,000 militantë të Hamasit. Ndërkohë, kemi edhe detaje të tjera se grupi po rikrijon grupe te reja te betejës në mënyrë që t’i kundërpërgjigjen Izraelit. A keni të dhëna nga inteligjenca juaj? Sa militantë të Hamasit janë vrarë? Sepse vitin e kaluar diskutuam një shifër që ishte 20,000. A ka ndryshuar ky numër? A kemi shifra të sakta rreth kësaj situate?
Ambasadorja Galit Peleg: Besoj se ushtria dhe forcat e sigurisë kanë disa të dhëna, sepse duhet thënë përpara se me nisjen e luftës u konfiskuan shumë dokumente dhe ne shihnim aty kush është i riregjistruar. Kur palestinezët thane ky është një civilë ose ky është një punonjës I ndihmave humanitare, pas kësaj ne I pamë të listuar në listën e pagesave të hamas dhe aty numërohen të gjitha .Çështja është se ka kaq shumë prej tyre … Ajo që dimë është se udhëheqja e tyre e lartë është pothuajse e eliminuar. Tani, në këtë organizatë, të gjithë mund të marrin një armë dhe t’i bashkohen…ndërsa ata janë duke luftuar. Pra, nuk mendoj se kemi numrat e saktë. Besoj se Shin Bet dhe organizatat ose forcat e tjera të sigurisë në Izrael kanë numrin e përafërt. Nuk jam i sigurt nëse e kemi numrin e saktë. Pra, nuk kemi një numër të saktë rreth Jo, po flasim për të paktën 50% të viktimave. Pra, po flasim për mbi 30 mije
Gazetari Sali Doçi: Pra ju qëndroni te numri që ka dhënë edhe Hamasi. Ndërkohë, pyetjen e fundit që dua të diskutoj me ju e mbaj mend sepse po kthehem te intervista e fundit për të parë të gjitha reflektimet që kanë ndryshuar një vit pavarësisht faktit se kur folëm vitin e kaluar, Hamasi mbante 101 pengje. Tani kemi gjysmën e tyre. Ushtria izraelite ka bërë një punë të mire për gjetjen e pengjeve që…për fat të keq u vranë nga Hamasi. Por më kujtohet shumë mirë që vitin e kaluar më thatë, qëndroni gati për atë që do t’i bëjmë Iranit. Patëm një vit ku eliminuat figura të madhe të nivelit të lartë të Hamasit, të Hezbollahut, te rebeleve Houthi te Jemenit. Sigurisht ceshtja dhe qellimi kryesor ishte shkaterrimi I programit berthamor te Iranit qe e kryet ne Bashkepunim me Shtetet e Bashkuara te Amerikës. Cili është qëllimi i radhës, qëllimi ushtarak i radhës për Izraelin, në mënyrë që të ketë paqe në Lindjen e Mesme?
Ambasadorja Galit Peleg: Hëm, e dini, nuk është sekret që Irani ka shumë ndikim në rajon, veçanërisht në gjithçka që ka të bëjë me terrorizmin. Përmendët disa nga përfaqësuesit e tyre., Izraeli u përball me shumicën e tyre këtë vit, siç e përmendët. Me Huthët, Hezbollahun, Hamasin dhe vetë Iranin, , nuk mund t’ju them se cili do të jetë objektivi i radhës. Domethënë, mendoj se kjo varet nga udhëheqësit e ushtrisë dhe Ministria e Mbrojtjes në Izrael. Por ajo që mund t’ju them është se, para së gjithash, mendoj se ky vit u tregoi të gjithë armiqve tanë se askush nuk është i sigurt.
Edhe nëse nuk jeni në kufirin e menjëhershëm të Izraelit, por po dërgoni përfaqësuesit tuaj për të luftuar Izraelin, Izraeli është mjaft i fortë për t’ju arritur kudo që të jeni, edhe nëse jeni në Teheran ose në Sana’a ose kudo që të jeni. Pra, mendoj se mesazhi ishte shumë i qartë. Do të thoja një gjë tjetër që mendoj se fakti që tani kemi arritur në prag të ndoshta shpresojmë…
Kjo marrëveshje tani është gjithashtu rezultat i këtyre mesazheve shumë të qarta që iu dërguan të gjitha këtyre organizatave terroriste, përfshirë Iranin, se kjo nuk është rruga e duhur. Nëse doni të merreni me Izraelin, Izraeli do të merret me ju. Pra, mendoj se më e rëndësishmja këtu është mesazhi. Izraeli nuk po kërkon të luftojë më shumë në më shumë fronte.Izraeli dëshiron të jetojë në paqe në Lindjen e Mesme. Por ne mësuam në 75 vjet ose 78 vjet se në Lindjen e Mesme nuk mund të jetosh në paqe nëse nuk tregon forcë. Nëse tregon dobësi, kjo interpretohet ne mënyrë te gabuar. Treguam se dikush s’mund te mendoj se mund të qëndrojë gjate gjithë kohës, pasi përfundimisht mund të eliminohet. Jemi qe prej vitit 1948 si shtet ne Lindjen e Mesme. Ne kemi qene atje si popull hebre për me shume se 3 mije vjet dhe planifikojmë te qëndrojmë atje për 3 mije vitet e ardhshme.
Gazetari Sali Doçi: Axios, World Street Journal dhe media të tjera ndërkombëtare kanë raportuar javën e kaluar se Iranianët po punojnë shumë për të rifituar kapacitetin e tyre për të ndërtuar një bombë bërthamore. Ndërkohë, mediat ndërkombëtare kanë raportuar se shpesh këto janë diplomatët nuk komentojnë. Por, siç thonë mediat ndërkombëtare, pas përfundimit të luftës ne Gaza dhe pas lirimit te pengjeve nga Hamas,Izraeli po mendon për një sulm tjetër ndaj Iranit që mund të ndodhë edhe këtë dhjetor. A keni ndonjë koment për këtë? Apo ndoshta të paktën keni ndonjë koment për atë që po bën Irani tani për të rifuqizuar kapacitetin e tij bërthamor për krijimin e një bombe bërthamore?
Ambasadorja Galit Peleg: Nuk e di nëse Irani është… pra nuk e di nëse ka kapacitetet që kishte para qershorit të këtij viti, nuk e di sa kohë do t’i duhet për t’u rikthyer në atë pozicion. Mund tiu them se Izraeli së bashku me aleatët e tij, nuk do ta lejojë Iranin të kërcënojë Izraelin apo ndonjë vend tjetër perëndimor me aftësi bërthamore. Ajo që ndodhi në qershor u dha iranianëve një ide te qarte . Çfarë mund të ndodhë nëse ata vazhdojnë me këto kërcënime dhe vazhdojnë të zhvillojnë armë bërthamore? Dhe mendoj se kërcënimi… epo kërcënimi mbetet ende aty dhe gjithashtu paralajmërimi se kërcënimet me vdekje mbeten, por gjithashtu vjen paralajmërimi se ne jemi serioz, se ne jo vetëm kërcënojmë por edhe veprojmë
Gazetari Sali Doçi: Zonja ambasadore, faleminderit që ishit në program
Ambasadorja Galit Peleg: Faleminderit shumë.
