Loading ...LUSHNJË- Një aksident i rëndë është regjistruar sot aksin rrugor Lushnje-Berat në afërsi të kryqëzimit të fshatit Kashtë Bardhë.
Dy mjete në kahun e lëvizjes drejt Lushnjës janë përplasur me njëri tjetrin dhe më pas me barrierat anësore në rrugë.
Në automjetin tip Audi udhëtonte një çift bashkëshortësh ndërsa në mjetin tip “Skoda” udhëtonte vetëm drejtuesi i mjetit.
Përplasja ka qenë shumë e fortë dhe të tre personat e përfshirë në aksident janë transportuar në spital në gjendje të rëndë.
Nga të dhënat paraprake mësohet se shkak i aksidentit është bërë një manovër e gabuar për parakalim. Policia rrugore dhe zjarrfikësit janë në vendngjarje./abcnews.al
