Tiranë, turisti rrëzohet nga ballkoni

Një incident i rëndë ndodhi në rrugën “Jordan Misja”, ku një turist gjerman dyshohet se është rrëzuar aksidentalisht nga ballkoni i dhomës ku ishte akomoduar.

Sipas njoftimit zyrtar nga Policia e Tiranës, shtetasi gjerman, rreth 52 vjeç, ka rënë nga ballkoni, por fatmirësisht ka mbijetuar dhe ka marrë ndihmën e parë mjekësore në spital.

Policia po punon për sqarimin e rrethanave të ngjarjes.