Loading ...Ekspertja politike Afërdita Maliqi komentoi për ‘Ballkan Update’ situatën e fundit politike në Kosovë. Maliqi tha se Vetëvendosja nuk i ka numrat për formimin e qeverisë së re dhe se Kushtetuesja i ka vendosur afat.
“ Nuk është asgjë e rastësishme. Janë thyer rregullat dhe është shkelur me qëllim Kushtetuesja. Edhe Kushtetuta dhe aktet ligjore dhe nënligjore e përcaktojnë se kujt i takon nënkryetari të Listës Serbe. Gjithçka nuk është e rastësishme. Kësaj rradhe ishte strategji e qëllimshme, nga 9 shkurti hapat e Vetëvendosjes kanë qenë të qëllimshme.
Vetëvendosja nuk i ka numrat për qeveri dhe kjo i konvenon të shtyjë sa më tutje numrat për qeverinë, nëse do i kishte numrat nuk do ishim pa Kuvend të konstituuar dhe pa qeveri legjitime.”
Lidhur me zgjedhjet lokale në Kosovë, ekspertja Maliqi tha se në këto 4 vite qeverisje, Vetëvendosja ua ka ndarë buxhetin komunave që janë në qeverisjen e tyre dhe jo komunave të tjera.
“Për këto 4 vite që ka qeverisur VetëVendosja, nuk ua ka ndarë buxhetin komunave me ligj. E ka ndarë buxhetin vetëm për komunat që qeverisen nga Vetëvendosja.
Përparim Rama ka dërguar një ankesë për ndarjen e buxheteve dhe është e vonuar sepse në 12 tetor është dita e zgjedhjeve. Nuk ka pasur një lëvizje të tipit të shkohet në gjykata.” / abcnews.al /
