Loading ...Fieri po kthehet në një destinacion gjithnjë e më tërheqës për turistët e huaj. Krahas trashëgimisë arkeologjike në Apoloni dhe Bylis, këtë verë vizitorët kanë zbuluar edhe plazhet e Semanit dhe Darëzezës.
Operatorët turistikë thonë se kryesisht janë gjermanë dhe anglezë ata që preferojnë natyrën dhe gastronominë vendase.
Sipas të dhënave, numri i vizitorëve është rritur me 15 për qind, por vetëm pak prej tyre qëndrojnë më shumë se një natë në Fier. Pasi vizitojnë parqet dhe bregdetin, shumica udhëtojnë drejt jugut ose Beratit, ku gjejnë një ofertë më të pasur akomodimi.
Fieri ka aktualisht 13 hotele me rreth 330 shtretër dhe vetëm një bujtinë, ndërsa operatorët turistikë shpresojnë që vitet e ardhshme bregdeti të pajiset me struktura të reja, për ta kthyer zonën në destinacion të mirëfilltë turistik.
