Loading ...
Konkurrenca mbetet, por shpresa po rritet.
Kristian Asllani sipas të gjitha mundësive do të jetë sërish titullar për Interin në Kupën e Botës për Klubet.
Mesfushori I kombëtares shqiptare duket se vazhdon ta bindë trajnerin Kristian Kivu, aq më tepër që titullari Hakan Çalhanoglu mbetet I dëmtuar, ndërsa zikaltërit luajnë këtë të hënë ndaj Fluminenses.
Për më tepër, turku ka kërkuar të kthehet në vendin e tij, të paktën siç shkruajnë mediat në Apenine.
Njëzetedyvjeçari ishte që nga minuta e parë kundër Monterrejit, Urava Red Dajmondsit dhe përballë River Plejtit.
Pavarësisht ulje-ngritjeve dhe ndonjë kritike, duhet thënë se Asllani nuk ka zhgënjyer, duke u përpjekur maksimalisht ta shfrytëzojë shansin e dhënë dhe të përshtatet si protagonist.
Duket se trajneri Kivu kërkon të bazohet tek lojtarët e rinj si Valentin Karboni, Karlos Augusto, Pio Espozito, Suçiç dhe vetë ylli kuqezi.
Nivelin e kënaqshëm të shqiptarit e tregon edhe vlerësimi nga agjencia e specializuar e statistikave të futbollit, sofaskor, në të cilën Asllani është I 9-ti lojtar më I mirë I Interit me notën mesatare 7.27, jo larg Bastonit, Karbonit, Darmianit apo Augustos.
Besimi është që nënkampionia e Europës do t’ia dalë, dhe jo më kot jepet favorite ndaj Fluminenses me koeficientin 1.70 ndaj 5.50.
Po ashtu, shpresa është që mesfushori I kombëtares ta rrisë edhe më tej nivelin dhe të fitojë rolin e titullarit tek zikaltërit./abcnews.al
