Loading ...
Presidenti amerikan Donald Trump ka ashpërsuar kritikat ndaj presidentit Joe Biden, duke e akuzuar atë për dështime të mëdha në ekonomi dhe sigurinë kufitare. Gjatë një mbledhjeje të kabinetit, Trump foli për një “fitore të madhe” në zgjedhje dhe theksoi arritjet e administratës së tij në kontrollin e kufirit dhe luftën kundër krimit.
“Fitoreja jonë bazohej në një kufi të fortë dhe në nxjerrjen e kriminelëve jashtë vendit tonë,” tha Trump para bashkëpunëtorëve të tij.
Duke komentuar të dhënat e fundit ekonomike, ai u përpoq të distancohej nga zhvillimet negative, duke thënë: “Dua të theksoj se kjo është puna e Bidenit, jo e Trumpit.”
Trump shtoi se ka qenë gjithmonë kundër politikave ekonomike të Bidenit, të cilat, sipas tij, “po e shkatërrojnë vendin në shumë mënyra.”
/ abcnews.al
