Antonio Conte kërkon me ngulm një mesfushor qendre në janar. Trajner i Interit madje e do me eksperiencë, që të ndihmojë të rinjtë që ka në skuadër. Një nga emrat e lakuar më së shumti është Arturo Vidal.
Kiliani nuk po gjen shumë hapësira te Barecelona dhe nëse situata e tij nuk ndryshon, do të donte të transferohej në një kampionat tjetër. Vidal tek Interi do të gjente Conten, me të cilin ka bashkëpunuar te Juventusi.
Gjithsesi gjërat nuk duket të lehta, kur në media të ndryshme flitet për kërkesa të çmendura, të tipit që katalanasit duan 40 milionë euro për kartonin e mesfushorit. Interi nuk paguan për kartonin e tij, pasi bëhet fjalë për një futbollist 32-vjeçar.
Zikaltrit do e mendonin një transferim të mesfushorit të Barcelonës vetëm në formën e huazimit. Vetë Vidal dëshiron të lëvizë, por gjithçka është në dorë të katalanasve. Këtë sezon Vidal ka luajtur në 14 ndeshje dhe numëron 515 minuta në fushën e blertë, në të gjitha kompeticionet. /acbnews.al
