Aston Villa mori një barazim 2-2 në “Old Trafford” përballë Manchester United dhe siguroi një pikë të rëndësishme për mbijetesën. Goli i parë u shënua nga Jack Grealish, i cili realizoi një gol shumë të bukur.
24-vjeçari është ylli i skuadrës nga Birmingemi dhe idhulli i tifozëve. Këtë sezon ka arritur të shënojë 3 gola në kampionat dhe paraqitjet pozitive kanë tërhequr prej kohësh interesin e klubeve të mëdha. Mesfushori ofensiv po merr shumë komplimente por edhe shumë… faulle.
Sipas raportimeve të BBC, Grealish ka vendosur një rekord në Premier League. Ai ka pësuar 53 faulle deri në këtë fazë të sezonit, nga të cilat 7 vetëm në ndeshjen e fundit. Askush nuk është frenuar në mënyrë të parregullt më shumë se anglezi.
Grealish vendosi një rekord të tillë edhe sezonin e kaluar në Championship. Teknika e lartë ndikoi që mbrojtësit kundërshtarë kishin vetëm një mënyrë për ta frenuar. Ylli i Aston Villa e mbylli sezonin e kaluar me 161 faulle dhe një gjë e tillë po konfirmohet edhe në elitën e futbollit anglez. /abcnews.al
Jack Grealish has been the most fouled player in the Premier League this season (53).
He was also he most fouled player in the Championship last season (161 fouls). pic.twitter.com/cxJM43YJ6T
— Bolarinwa Olajide (@iambolar) December 2, 2019
