Presidenti i Këshillit Evropian: Sovraniteti i Danimarkës është çështje thelbësore për BE-në

Sovraniteti i Danimarkës është një “çështje thelbësore” për BE-në, tha presidenti i Këshillit Evropian në një intervistë të mërkurën, ndërsa presidenti i SHBA Donald Trump vazhdon të shprehë interesin për të kërkuar Groenlandën për Shtetet e Bashkuara.

Ishulli Arktik është një territor gjysëm autonom danez.

“Territorialiteti i Danimarkës, sovraniteti i Danimarkës, stabiliteti i kufijve të saj është padyshim një çështje thelbësore,” tha presidenti i Këshillit Evropian Antonio Costa.

Komentet i bëjnë jehonë atyre të shefes së politikës së jashtme të BE-së, Kaja Kallas, e cila tha se blloku “nuk po negocionte” për Groenlandën.