Kryeministri spanjoll Pedro Sanchez sulmoi miliarderin Elon Musk për ndërhyrje në politikën evropiane, duke e akuzuar atë për minimin e demokracisë.
“E djathta ekstreme ndërkombëtare, të cilës ne i rezistojmë prej vitesh në Spanjë, e udhëhequr në këtë rast nga njeriu më i pasur në planet, sulmon hapur institucionet tona, nxit urrejtje dhe mbështet hapur trashëgimtarët e nazizmit në Gjermani”, tha Sanchez referuar Musk, por pa i përmendur emrin.
Sanchez po fliste në Madrid në një ngjarje që shënonte 50 vjetorin e vdekjes së diktatorit Francisco Franco.
Musk, i cili do të shërbejë si këshilltar i jashtëm i administratës amerikane gjatë presidencës së Donald Trump, foli mbi çështjet spanjolle të dielën, duke komentuar në X rreth një artikulli që thoshte se të dënuarit për përdhunim në rajonin verilindor spanjoll të Katalonjës përfshinin kryesisht të huaj.
Sanchez tha se demokracia është e brishtë dhe përballet me një kërcënim ekzistencial.
“Nëse historia na mëson diçka, është se liria nuk fitohet gjithmonë”, theksoi ai./abcnews.al
