Gjykata e Apelit të Posaçëm do të shpallë vendimin të martën në orën 11:00 për heqjen ose jo të sekuestros për dy vila në pronësi të Monika Kryemadhit dhe nënës së saj, Fatime Kryemadhi.
Deputetja e Partisë së Lirisë u paraqit këtë të hënë në ambientet e Gjykatës së Posaçme për të ankimuar vendimin për dy vilat, të ndodhura në rezidencën Kodra e Diellit në Tiranë.
Kryemadhi u pa duke ecur me një bastun, teksa mbante edhe disa dokumente. E pyetur nga gazetarët se pse po ecte me bastun, Kryemadhi tha: “Po jeta kështu është”.
Sipas SPAK, masa e sekuestros vjen pas hetimeve të nisura ndaj çiftit Meta Kryemadhi që akuzohen për korrupsion, pastrim parash e fshehje pasurie./abcnews.al
