Policia britanike ka kryer një shpërthim të kontrolluar në stacionin Euston në Londër. Shpërthimi erdhi si pasojë e një objekti të dyshimtë në një zonë tejet të frekuentuar nga qytetarët londinezë.
Fillimisht u bë evakuimi i zonës dhe më pas u realizua operacioni si pjesë e procedurave të sigurisë për të konfirmuar që nuk kishte kërcënime të mëtejshme për qytetarët.
Ndërkohë, autoritetet kanë kërkuar që udhëtarët të qëndrojnë të kujdesshëm dhe të ndjekin udhëzimet për çdo ndryshim në oraret e trenave ose mundësi të tjera të ndërprerjeve. Policia ka dhënë dritën jeshile që nuk ka asnjë rrezik të mëtejshëm për udhëtarët pas shpërthimit.
Theksojmë këtu që ditën e djeshme pati një evakuim në aeroportin Gatwick pas një objekti të dyshuar si të rrezikshëm nga autoritetet policore. /abcnews.al
