“Krijimi i një shteti palestinez do të ishte një shtet i Hamasit”, kështu ka deklaruar ministri i jashtëm izraelit Gidon Shaar, gjatë një konference për shtyp në Jeruzalem.
Ai u pyet për mundësinë e rifillimit të procesit të një marrëveshje pas zgjedhjes së Donald Trump në Presidencën amerikane, dhe mundësinë e normalizimit të marrëdhënieve të Izraelit me shumë vende arabe deri në Arabinë Saudite në këmbim të krijimin e një shteti palestinez.
“Jo” ishte përgjigja e ministrit të Jashtëm izraelit kur u pyet për mundësinë e përsëritjes së procesit të marrëveshjeve të Abrahamit, shkruajnë mediat e huaja.
Marrëveshja e Abrahamit, e promovuar nga Donald Trump gjatë mandatit të tij të parë, lejoi normalizimin e marrëdhënieve midis Izraelit dhe vendeve arabe si Bahreini, Maroku dhe Emiratet e Bashkuara Arabe.
