Ajax është një ndër skuadrat më të mira në Europë dhe ecuria e tyre sezonin e shkuar në Champions League dhe kampionatin holandez, ishte e shkëlqyer. Kampionët e Holandës kanë ruajtur të njëjtën ecuri edhe këtë edicion të ri futbollistik, pavarësisht se humbën dy emra të rëndësishëm në verë, si De Jong dhe De Ligt.
Të besuarit e Eric Ten-Hag vazhdojnë të dhurojnë spektakël dhe një nga golat e tyre në takimin e fundjavës kundër Heracles, po bën xhiron e internetit.
Aksioni i këtij goli është i shkëlqyer, me fantazistin Donny Van de Beek në qendër të çdo prekje topi. Në fund, Ziyech kroson në mënyrë të shkëlqyer me të majtën, duke gjetur kokën e Quincy Promes, i cili nuk e ka të vështirë të shënojë./abcnews.al
Our game. ?#ajaher pic.twitter.com/5kIcrIvX6t
— AFC Ajax (@AFCAjax) November 25, 2019
