Donald Trump fitoi një mandat të dytë si president i SHBA-së pasi mori votat e nevojshme elektorale dhe tani ai duket në rrugën e duhur për të fituar edhe votën popullore.
Kur kandidoi për herë të parë në 2016, Trump humbi votën popullore, numrin total të votave të hedhura në të gjithë vendin, ndaj Hillary Clinton, shkruan BBC.
Por në SHBA, zgjedhjet përfundimisht fitohen nga kushdo që fiton të paktën 270 vota të kolegjit elektoral.
Hera e fundit që një kandidat presidencial republikan fitoi votën popullore ishte në vitin 2004, kur George W Bush fitoi gjithashtu edhe me votat e kolegjit elektoral.
Trump është aktualisht përpara Kamala Harris në votën popullore, por shifra është rreth 10 milionë më pak se ajo që mori Joe Biden në vitin 2020, sipas Axios./abcnews.al
