U fotografua pranë trupit të pajetë të luftëtarit ISIS, Trump rikthen në detyrë marinsin

Ambasadori aktual në Norvegji, Kein Breithuajt, do të emërohet në krye të marinës amerikane në vend të Riçard Spenser i cili u pezullua nga posti i tij nga Pentagoni për shkak të mënyrës se si trajtoi rastin e marinsit, Eduard Galager. Lajmi është konfirmuar nga vetë kreu i shtëpisë së bardhë, Donald Trump me anë të një mesazhi në profilin e tij në “Twitter”: “Nuk më kënaqi mënyra se si u trajtua procesi i marinsit Galager. U trajtua shumë keq dhe pavarësisht kësaj ai u përjashtua nga rradhët e marinës”, tha Trump.

Më tej Trump shtoi se e kishte kthyer në detyrën e mëparshme marinsin. Riçard Spenser është pezulluar nga detyra e tij pas komunikimit që iu nga sekretari amerikan i mbrojtjes Mark Esper. Ndërkohë presidenti amerikan shtoi se marinsi Galager do të dalë në pension me të gjitha nderet që i takojnë.

Sipas CNN Spenser, i kishte propozuar Shtëpisë së Bardhë një marrëveshje sekrete për çështjen Galager. Marinsi kishte dalë në fotografi pranë trupit të pajetë të një luftëtari të ISIS, një veprimi i ndaluar nga rregullat e marinës amerikane. Për këtë arfsye ishte përjashtuar, por më pas ishte rikthyer sërish në punë nga presidenti, Donald Trump. Spenser kishte propozuar që marinsi Galager të përfundonte karrierën e tij, por vetëm pas një procesi gjyqësor që do e zbriste nga gradat. Kjo e fundit ishte dhe arsyeja kryesore e zemërimit të Tramp./abcnews.al