Ciro Immobile nuk ka ndërmend të ndalet. Sulmuesi i Lazios ka shënuar sërish dhe ka kaluar në avantazh bardhekaltrit në ndeshjen jashtë fushe kundër Sassuolos. 29-vjeçari zhbllokoi shifrat në minutën e 34-t.
Aksion i bukur i ekipit kryeqytetas, teksa “merita” te goli pati edhe portieri i Sassuolos. Consigli nuk ia doli të priste gjuajtjen e Immobiles dhe pa topin të ndalej në rrjetë. Goli i 15-të në kampionat për bomberin lacial, i cili po kalon një formë fantastike.
Sassulo ka reaguar dhe arriti të barazojë rezultatin në minutat shtesë. Francesco Caputo u harrua në zonë nga mbrojtja e Strakoshës dhe përfitoi nga një goditje këndi për të dërguar topin në rrjetë. Dy sfidat e tjera: Roma-Brescia dhe Verona-Fiorentina nuk janë zhbllokuar ende, teksa Emanuele Ndoj dhe Amir Rrahmani kanë nisur këto ndeshje si titullarë. /abcnews.al
