KRUJË- Flamur Rraja, vëllai i ish-deputetit Rrahman Rraja së bashku me të birin, Arielin janë shpallur në kërkim nga policia e Krujës.
Ata akuzohen se kanë dhunuar Kujtim Cacën. Mësohet se shkak i konfliktit ka qenë një kanal pranë banesave të tyre. Fillimisht ata kanë debatuar me fjalë banale e më pas janë zënë me grushte e shpulla.
Arjel Rraja, është person me precedentë, dhe më parë ka qenë i ndaluar për shitje të lëndëve narkotike të llojit kokainë.
Fisi Rraja nuk është hera e parë që përfshihen në sherre e raste dhune, kryesisht me banorë të zonës. Në korrik të 2023, ata dhunuan Bilbil e Jashar Maja. Në atë kohë, në videon e dhunës barbare, Flamur Rraja shfaqej me pistoletë në dorë.
Fisi Rraja shfaqi një dhunë brutale ndaj banorëve të Borizanës, të cilët denoncuan në policinë e Fushë Krujës se gurorja në pronësi të Përparim Rrajës, kushëririt të ish deputetit socialist Rrahman Rraja, po u shkatërronte shtëpitë.
Kushërinjtë Bilbil dhe Jashar Maja, u goditën dhe u kërcënuan me armë nga anëtarë të fisit Rraja, mes tyre djali i deputetit Rexhep Rraja, vëllezërit Flamur dhe Xhelal Rraja, Përparim Rraja, Klajdi Rraja dhe Edison Meta. Kjo ngjarje çoi në tërheqjen e Rrahman Rrajës nga politika.
Por pas disa muajsh hetime, prokuroria e Tiranës u zbuti akuzën fisit Rraja në plagosje të lehte, duke bërë që ata të liroheshin nga burgu../abcnews.al
