Jose Mourinho e nisi me fitore aventurën në stolin e Tottenham. 2-3 fituan Spurs në fushën e West Ham, duke siguruar tre pikë të rëndësishme për aspektin psikologjik dhe renditjen.
Vendasit rezistuan diçka më shumë se gjysmë ore. Ekipi i Mourinhos zhvilloi dy aksione shumë të bukura dhe kaloi në avantazh të dyfishtë me golat e Son dhe Lucas Moura.
Miqtë gjetën sërish golin në fillimin e pjesës së dytë. I zakonshmi Harry Kane realizoi me kokë dhe ndeshja u duk se mori fund. Vendasit reaguan dhe Antonio shkurtoi diferencën në minutën e 73-të. “Çekiçët” shënuan një tjetër gol në minutën e gjashtë shtesë me anë të mbrojtësit Ogbonna, por nuk pati më kohë. /abcnews.al
West Ham – Tottenham 2-3
(Antonio 73′, Ogbonna 90+6′ / Son 36′, Lucas Moura 43′, Kane 49′)
