Presidenti ukrainas Volodymyr Zelensky tha se vendi i tij nuk po kërkon nga aleatët e tij perëndimorë “armë bërthamore” për të luftuar pushtimin rus.
“Ne nuk po kërkojmë që të na jepen armë bërthamore,” u tha ai gazetarëve.
Presidenti rus Vladimir Putin , i cili vetë ka folur vazhdimisht për kërcënimin bërthamor që nga fillimi i pushtimit rus të Ukrainës në vitin 2022, e quajti deklaratën e Zelensky një “provokim të rrezikshëm”.
“Mund të them menjëherë se Rusia në asnjë rrethanë nuk do të lejojë që kjo të ndodhë”, tha Putin në atë kohë.
Pas rënies së Bashkimit Sovjetik, Ukraina pranoi t’i dorëzonte Rusisë armët bërthamore sovjetike të vendosura në territorin e saj, në përputhje me një marrëveshje të lidhur në vitin 1994, e njohur si Memorandumi i Budapestit.
Të hënën, Zelensky vlerësoi se vendi i tij dorëzoi armët e tij bërthamore “pa marrë asgjë në këmbim”.
“Duhet ta kishim shkëmbyer atë (armët bërthamore) me (anëtarësimin) në NATO”, shtoi presidenti i Ukrainës.
Ukraina ka një synim strategjik për t’u bashkuar me Aleancën, të cilën e sheh si të vetmen mbrojtje reale kundër fqinjit të saj rus.
“Pikërisht për shkak se Ukraina nuk ka armë që mund të ndalojnë Putinin, ajo ka nevojë për NATO-n”, shtoi Zelensky.
Ai kujtoi se i propozoi Perëndimit, si pjesë e planit të tij për fitore, vendosjen e parandaluesve jo-bërthamorë në territorin ukrainas./abcnews.al
